Technical Guruji Biography In Hindi.

Biography Of Gaurav Chaudhary

India ka sabse tej ubharta hua chehra hai Gaurav Chaudhary ka, jinhe ham sabhi Technical Guruji ke name se bhi jante hain. Inhone Youtube par Apne gyaan ki badaulat aisi dhoom machayi hai ki youtube pe aane ke 1 saal ke andar hi unke channel par 5 lakh Subscriber ho gaye aur agar abhi ki baat karein to inke channel par abhi 54 lakh 50 thousand plus Subscriber hain. Inhone ab tak 1.5k plus videos apne channel par publish ki hain. To Chaliye doston jante hain Technical Guruji ke baare me.

Technical Guruji Biography

Inki kahani kuchh iss tarah hai. Gaurav ka janm 7th May 1991, Ajmer Rajasthan me hua. Unka man bachpan se hi padhai ki taraf bahut jyada tha. Gaurav padhte to jyada nahi the, par jab bhi wo padhte the badi lagan ke sath padhte the, aur hamesha apni class me aage rehte the. Jab vo 5 saal ke the tab unhone pehli baar computer dekha, jisne wakai me unka man moh liya tha. Wo jab kabhi bhi computer par kaam karte the unhe bada maja aata tha. Phir kuchh dino baad unhone apne papa se zid karke apne ghar ke liye bhi ek computer kharidwa liya. Jisme vo din bhar kuchh naya sikhne ki koshish karte rehte the. Dheere dheere wo computer me vo sab karne lage jo unki class me koi nahi kar pata tha. Phir 10th class me achchhe number se top karne ke baad unhone aage computer se padhne ka faisla liya. Phir zindagi achchhi chalne lagi aur unka dhyan Technical aur Electrical chijon par jane laga aur isi bich unke bade bhai ne Dubai me apna buisness shuru kar diya tha. Unki zindagi me sab kuchh thik chal hi raha tha ki tabhi ek durghatna ho gayi, unke papa ka car accident ho gaya jiski wajah se unke papa comma me chale gaye. Ab unke ghar ki saari jimmedariyan Gaurav ke hi uper aa gayi. Par bhi unhone apna hausla nahi khoya aur padhai karte rahe. Bahut achchhe marks se 12th pass karne ke baad unhone engineering karne ki sochi par ab wo iss dabaw me the ki engineering karein to karein kis stream se. Phir unhone apna dhyan electronics ki taraf dete hue Rajasthan Technical University se Electronic se apna B-tech kiya. Par isi bich unke zindagi me aur ek durghatna hui aur unhone apne papa ko kho diya. Par iske baad bhi gaurav ne apne padhai ki taraf jaldi se rukh kar liya. Unhone usi ke dauran kuchh remote control electronic devices bhi banai.

Technical Guruji (Gaurav Chaudhary)

Zindagi me itna bada dukh jhelne ke bavjud haar na manne ka hausala kuchh hi logon me hota hai. Iss sandarbh me ek kavi ne kya khub likha hai ki...
" Mushkilon se bhagna aasan hota hai,Har pehlu zindagi ka imtihaan hota hai.Darne walon ke haath akshar khali hote hain,Par ladne walon ke kadmo me jahan hota hai. "Phir jaise hi unki degree complete hui unhone naukri karne se behtar, aur padhai karne ka faisla kiya, aur usi ke liye wo apni family ke sath Dubai shift ho gaye, jahan unke bhai ka buisness chal hi raha tha. Unhone phir ME karne ki sochi aur Bits Pilani Dubai Campus ko usi motive se join bhi kar liya aur usme bhi wo apna best dete hue topper ban gaye. Phir jaisa ki Gaurav ka man naukri karne ka nahi tha, isiliye unhone apni ek company kholi jisme unhone security system pe kam karna shuru kar diya. Par wo kafi time se Youtube dekh rahe the jiski wajah unka bhi man tha youtube pe kuchh shuru karne ka. Phir unhone ek channel dekha Sharmaji Technical name se, jisne use bada hi motivate kiya. Gaurav ne phir Sharmaji Technical ke owner Praval Sharma se milne ka faisla kiya. Gaurav unse mile aur phir Sharnaji ne unhe Youtube ke baare me samjhaya.

Technical Guruji Logo

Aakhirkar Gaurav be apna channel start karne ka faisla kar liya aur unhone 18th October, 2015 ko Technical Guruji ki shuruat ki. Unke liye ye aasan nahi tha kyonki unhe apni family buisness par bhi dhyaan dena tha. Par unhone aisa kiya sirf aur sirf apne passion ke liye. Channel ke shuruati 10-12 dino me hi 1000 subscriber ho gaye. Ek wo din tha aur ek aaj ka din hai. Inhone time nikalkar har roj Youtube par 1-2 video daali. Ab inke lagbhag 55 lakh subscribers hain aur ye Youtube par puri lagan se lage hue hain. Ye daily 2 video dalte hi hain. Aur inke liye kahan bhi jata hai ki inke dwara kiye gaye tech reviews hamesha unbiased hote hain. Doston Technical Guruji India ka fastest technical growing channel ban gaya hai aur Gaurav ka haushla aur himmat kisi mishal se kam nahi. Inhone apni zindagi me jafi mushkilein jheli par sapne kabhi nahi chhore. Isi ke sandarbh me kavi ne kya khub likha hai ki...

" Rakh haushla vo manjar bhi aayega,
 Pyase ke pass chaljar samundar bhi          aayega,
 Thak kar na baith manjil ke mushafir,
 Manjil bhi milegi aur milne ka maja bhi     aayega. "

Finally, Doston aaj artical yahin khatm hota hai. Aasha karta hoon ki ye biography apko pasand aayi hogi.